Andijon viloyatida $210 mlnlik ikkita zavod qurilishi boshlandi

Andijon viloyatida, “Ipak yo’li” erkin iqtisodiy zonasida (EIZ) ikkita yangi zavod qurilishi boshlandi. Bu haqda viloyat hokimi Shuhratbek Abdurahmonov o’zining Telegram kanali orqali ma’lum qildi.

$10 mlnlik birinchi loyiha elektr skuterlar ishlab chiqarish korxonasini yaratishni o’z ichiga oladi. Zavod yiliga 2 mln donagacha mahsulot ishlab chiqaradi, shundan $5 mlnga eksport qilinadi. Loyihani amalga oshirish 300 ta yangi ish o’rinlarini ta’minlaydi. Zavod 2025 yil oxirida ochilishi rejalashtirilgan.

Ikkinchi loyiha $200 mlnlik rangli metall konstruksiyalar ishlab chiqarish zavodini qurishni o’z ichiga oladi. Investor Xitoyning “China Baoli Technologies Holdings Limited” kompaniyasi hisoblanadi. Korxonaning ishlab chiqarish quvvati har yili 18 va 45 ming tonna mahsulotga yetadi, eksport salohiyati esa $18 mlnni tashkil etadi. Zavod 400 ta ish o’rni yaratadi, uning ishga tushirilishi esa 2026 yilga mo’ljallangan.