Investitsiya kompaniyasi sotuvning ilk 15 daqiqasida deyarli 105 milliard so‘m mablag‘ jalb qildi

Taqdimotda investorlarga islom moliyasi tamoyillari asosida faoliyat yurituvchi kompaniya imkoniyatlari namoyish etildi. Shuningdek, Markaziy Osiyoda alyuminiy konstruksiyalarni ishlab chiqaruvchi yetakchi korxonalardan biri – Akfa Aluminium Group kompaniyasining Ishlab chiqarish quvvatlari haqida batafsil ma’lumotlar taqdim etildi. Shuningdek, investorlarda katta qiziqish uyg‘otgan yangi investitsiya mahsuloti savdosining birinchi bosqichi e’lon qilindi.

Savdolar ulkan muvaffaqiyat bilan boshlandi – birinchi to‘plam 15 daqiqadayoq to‘liq sotib bo‘lindi, natijada Way II kompaniyasi 104 775 000 000 so‘m mablag‘ jalb qildi. Way II bosh operatsion direktori Aziz Qosimxo‘jayev bildirilgan ishonch uchun investorlarga minnatdorlik bildirdi. Uning qo‘shimcha qilishicha, kompaniya yaqin vaqt ichida yangi investitsiya to‘plamlarini taqdim etadi

Ma’lumot uchun, Way II kompaniyasi islom moliyasi qoidalariga rioya qilgan holda faoliyat olibboradi, bu Islomiy moliya maslahat kengashi (IFCB) xulosasi bilan tasdiqlangan.

Tadbir, shuningdek, investorlar uchun yangi biznes aloqalarini o‘rnatishlari va Way II eksklyuziv takliflari haqida bilib olishlari uchun ajoyib netvorking maydoniga aylandi.