Yil davomida 949 ta korxona 101,6 trln so‘mdan ortiq soliq to‘lagan

2024-yilning yanvar-noyabr oylarida 949 ta yirik soliq to‘lovchilar 101,6 trln so‘mdan ortiq soliq to‘lagan.  Bu haqida Davlat Soliq Qo‘mitasi xabar berdi. 

Xabarga ko‘ra, 20 ta korxona tomonidan to‘langan soliq jami tushumlarning 61% ini tashkil qilgan. 

Ulardan 54 trln so‘mi davlat ulushi mavjud TOP-10 ta yirik soliq to‘lovchi hisobiga, 7,8 trln so‘mdan ziyodrog‘i xususiy sektordagi TOP-10 yirik soliq to‘lovchilar hisobiga to‘g‘ri kelgan.

Xususiy sektor korxonalari orasida UzBAT eng ko‘p soliq (2,624 mlrd so‘m) to‘lagan. Shuningdek, quyidagi korxonalar ham bu ro‘yxatdan joy olgan: 

• Enter Engineyering — 844,4 mlrd so‘m;
• Coca-Cola — 572,6 mlrd so‘m;
• Unitel MCHJ (Beyeline) — 542,1 mlrd so‘m;
• Kapitalbank — 526,3 mlrd so‘m;
• Hamkorbank — 480,6 mlrd so‘m
• Anglesey Food (Korzinka) — 306 mlrd so‘m.

Davlat ulushidagi korxonalar orasida “Navoiy kon-metallurgiya kombinati” AJ — 24,833 mlrd so‘m bilan, eng ko‘p soliq to‘lagan. 2-o‘rinda “UzbekNeftGaz” — 3,866 mlrd so‘m to‘lagan bo‘lsa, 3-o‘rinda “UzGasTrade” AJ — 3,240 mlrd so‘m bilan qayd etilgan.