Samarqand viloyatida $100 mlnga turistik majmua quriladi

Samarqand viloyatida misrlik investor ishtirokida  $100 mlnlik sayyohlik majmuasini qurish loyihasini amalga oshirish rejalashtirilgan. Bu haqda «Dunyo» axborot agentligi xabar bermoqda.

Ushbu loyiha O’zbekiston elchixonasining «Arab Nihol Investors» O’zbekiston-Misr qo’shma korxonasi asoschisi Ahmed Zeydan bilan uchrashuvida muhokama qilindi.

Loyiha uch bosqichda amalga oshiriladi:

1. Birinchi bosqich umumiy qiymati $18 mln bo’lgan kanat yo’li qurilishini o’z ichiga oladi;
   
2. Ikkinchi bosqich 100 xonali zamonaviy mehmonxonani qurishni o’z ichiga oladi, uning narxi $32 mlnni tashkil etadi;
   
3. Uchinchi bosqich $50 mlnlik 100 o’rinli sanatoriyni qurishni o’z ichiga oladi.
   

Loyihani yakunlash uchun qo’shimcha ravishda 1 ming gektar yer sotib olish va chet eldan, shu jumladan Misr va Omon kabi mamlakatlardan investorlarni jalb qilish kerak. Bu 500 ta yangi doimiy ish o’rinlarini yaratadi.