Ziraat Bank Novza metrosi yaqinida joylashgan binoni ijaraga beradi

Ziraat Bank Uzbekistan balansidagi Toshkent shahri Bunyodkor ko‘chasi, Novza metrosi yaqinida joylashgan binoni ijaraga berishini ma’lum qildi.

Bino ikki qavatdan iborat bo‘lib, umumiy maydoni 1500 kv. metrni tashkil qiladi. Obyekt hududida asfaltlangan va panjara bilan o‘ralgan 300 kv. metr hovli, avtoturargoh, 200 kW quvvatga ega generator mavjud.

“Bino bank filiali, ofis yoki boshqa faoliyat turlaridan kelgan taklifga ko‘ra ijaraga beriladi. Ijara narxi kelishilgan holda belgilanadi”, deyiladi e’londa.

Mazkur inshootdan shu kunga qadar Agrobank Toshkent shahar filiali ijrara asosida foydalanib kelgan. Ma’lum bo‘lishicha, Agrobank filiali Toshkentning Shayxontoxur tumani, Janggoh mavzesidagi sobiq Shayxontoxur filialida faoliyatini davom ettiradi.