Zarafshondagi aeroport qayta ishga tushishi mumkin

Navoiyda prezident boshchiligida o’tkazilayotgan yig’ilishda  Zarafshondagi 80-yillarda qurilgan aeroport faoliyati qayta tiklanishi masalasi ko’tarildi. Bu haqda prezident matbuot kotibi xabar berdi.

Bunga sabab, Zarafshon shahri aholisi Toshkentga kelish uchun avval avtomobilda 250-300 kilometr yo‘l yurib, Navoiy shahriga boradi. Keyin bu yerdan poyezd yoki samolyotga o‘tirib, Toshkentga borishga majbur bo‘lyotgani qayd etildi.

Shuningdek, Zarafshon shahri aholisi 2-3 yilda 100 mingdan oshadi. Shu bois, Zarafshon hududini Tomdi tumani hisobidan 2 ming gektarga kengaytirib, 150 ming aholi uchun sharoit yaratish kerakligi ham ta’kidlandi.

Prezident aeroport faoliyatini qayta tiklash masalasini o‘rganib, tegishli takliflar kiritishni topshirdi.