O’zbekiston va Tojikiston tranzit yuk tashish uchun ruxsat beruvchi shakllarni bekor qildi

O’zbekiston va Tojikiston yuk tashish tranzitini soddalashtirishni rejalashtirmoqda. Bu haqda Tojikiston transport vazirligi matbuot xizmati xabar bermoqda.

Prezident Shavkat Mirziyoyevning 18-19 aprel kunlari Tojikistonga tashrifi chog’ida transport vazirlari 2018 yil 8 martdagi xalqaro avtomobil transporti to’g’risidagi bitimga o’zgartirishlar kirituvchi bayonnoma imzoladilar.

Endi tranzit yuk mashinalariga ruxsatnomalar kerak bo’lmaydi.

Tojikiston transport vazirligiga ko’ra, o’zgarishlar protokol ikki mamlakat tomonidan ratifikatsiya qilinganidan keyin kuchga kiradi.

Hozirgi vaqtda Tojikiston va Markaziy Osiyoning bir qancha mamlakatlari, shu jumladan Rossiya o’rtasida yuk tashish, shuningdek, ularning hududi orqali tranzit ruxsatnomasiz amalga oshirilmoqda. Bu transport vaqtini sezilarli darajada qisqartiradi va yukga zarar yetkazish xavfini kamaytiradi.

Har yili O’zbekiston va Tojikiston hududlari orqali 1200 ga yaqin tranzit yuk tashish amalga oshiriladi.