Toshkentda kunning tig’iz paytida yirik yuk mashinalari harakati taqiqlanadi

Toshkentda kunning tig’iz paytida yirik yuk mashinalarining harakatlanishiga taqiq qo’yiladi. Bu haqda prezident Shavkat Mirziyoyevning farmonidan ma’lum bo’ldi.

2024 yil uchun «O’zbekiston-2030» strategiyasini amalga oshirish Davlat dasturiga muvofiq mamlakatda chang bo’ronlariga qarshi kurashish va ularning salbiy oqibatlarini yumshatish choralari ko’riladi.

2024-yil 1-martdan:

Hududlarda chang bo’ronlari yuzaga kelganda va havodagi mayda tarqalgan zarrachalar tarkibining belgilangan me’yorlaridan oshib ketganda aholini ogohlantirish tizimi joriy etiladi. Yurak-qon tomir va nafas olish kasalliklari bilan og’rigan fuqarolar muntazam ravishda zarur profilaktika choralari to’g’risida xabardor qilinadi.

500 kvadrat metr va undan ortiq maydondagi qurilish maydonchalarida, shuningdek, kirish va chiqish yo’llarida chang va qumning havoga ko’tarilishini oldini olish bo’yicha majburiy talablar qo’yiladi.

Toshkentda N2, N3 va O4 toifali yuk mashinalariga ruxsat etilgan maksimal og’irligi 10 tonnadan ortiq bo’lgan yuk mashinalariga taqiq qo’yiladi. O’zbekiston maxsus xizmatlari va Qurolli kuchlarining yuk transport vositalari bundan mustasno bo’ladi.