“Gazprom neft” O’zbekistonda yoqilg’i quyish shoxobchalari tarmog’ini ochmoqchi
Bundan tashqari, kompaniya O'zbekiston bilan texnologiya sohasida hamkorlikni davom ettirish niyatida
Rossiyaning “Gazprom neft” kompaniyasi O’zbekistonda o’z brendi ostida yoqilg’i quyish shoxobchalari tarmog’ini ochish imkoniyatini ko’rib chiqmoqda. Bu haqda kompaniya rahbari Aleksandr Dyukov ma’lum qildi, deya xabar beradi “TASS”.
Dyukovning so’zlariga ko’ra, O’zbekiston iqtisodiy o’sishning yuqori sur’atini va neft mahsulotlari iste’molining ko’payishini namoyish etib, uni istiqbolli bozorga aylantirmoqda.
Shuningdek, kompaniya O’zbekiston bilan uglevodorodlarni qidirish va qazib olish bilan bog’liq texnologiyalar sohasida hamkorlikni davom ettirish niyatida.
Raqamli yechimlarimizdan foydalangan holda O’zbekistonda burg’ulashni boshqarish markazi ochildi, bu esa quduqlarni qurish vaqtini qisqartirish va narxini pasaytirishga yordam berdi, — dedi u.
Bundan tashqari, kompaniya O’zbekiston bilan texnologiya sohasida hamkorlikni davom ettirish niyatida
Moliya va biznes haqida ko'proq yangiliklar Telegram kanalda @KPTLUZ