“Yangi Toshkent” ga qo‘shimcha 122 gektar yer ajratildi

Yuqori Chirchiq tumanida “Yangi Toshkent” loyihasini amalga oshirish uchun qo‘shimcha 122,3 gektar yer maydoni ajratilgani ma’lum qilindi. Bu haqda viloyat hokimligi matbuot xizmati xabar berdi.

Viloyat hokimining qaroriga binoan, “Bordonko‘l” hududidan 75,22 gektar, “Do‘stlik” hududidan esa 47,1 gektar yer maydoni ajratilgan.

Bugungi kungacha “Yangi Toshkent” qurilish direksiyasiga doimiy foydalanish uchun 220 gektardan ortiq yer maydoni topshirilgan.