“Yangi O‘zbekiston” ko‘chasining bir qismi transport harakati uchun vaqtincha yopiladi

Ta’mirlash ishlari tufayli cheklov taxminan besh oy davom etadi

Фото: пресс-служба Мирзо-Улугбекского района

13-apreldan 1-sentabrgacha CAEX ko‘rgazma majmuasidan “Yangi O‘zbekiston” bog‘iga kirish qismigacha bo‘lgan hududda barcha turdagi transport vositalarining harakati vaqtincha cheklanadi. Bu haqda Mirzo Ulug‘bek tumani matbuot xizmati xabar bermoqda.

Cheklovlar Olimpiya shaharchasi hududida yer osti tunneli qurilishi boshlangani munosabati bilan joriy etilmoqda.

Haydovchilardan yo‘nalishlarni rejalashtirishda buni inobatga olish so‘ralmoqda.