Apple M4 chipidagi MacBook Air’ni taqdim etdi

Apple M4 protsessoriga ega yangi MacBook Air modellarini e’lon qildi.

Model ikki variantda taqdim etilgan – 13 va 15 dyuymli Liquid Retina displeylari 500 nitgacha yorqinlikni ta’minlaydi. 13 dyumli versiyaning asosiy narxi $999 ni, 15 dyumlisi esa $1 199 ni tashkil qiladi.

Noutbuk 12 megapikselli Center Stage kamerasiga ega bo‘lib, u video qo‘ng‘iroqlar paytida foydalanuvchini avtomatik ravishda kadr markazida ushlab turadi. Shuningdek, foydalanuvchining yuzi va stol yuzasini bir vaqtning o‘zida ko‘rsatish imkonini beruvchi Desk View funksiyasi ham mavjud. O‘rnatilgan audio tizimi Spatial Audio fazoviy ovoz texnologiyasi va Dolby Atmos tomonidan qo‘llab-quvvatlanadigan uchta mikrofon va dinamiklarni o‘z ichiga oladi.

MacBook Air Magic Keyboard klaviaturasi va Touch ID barmoq izi skaneri bilan jihozlangan. Konfiguratsiyaga qarab, qurilma 16 dan 32 Gb gacha tezkor xotirani va 256 Gb dan 2 TB gacha ichki xotirani taklif qiladi. Avtonomlik 18 soatgacha, 50% gacha quvvatlash esa taxminan 30 daqiqa davom etadi. Portlar orasida MagSafe, ikkita Thunderbolt 4 va quloqchinlar uchun 3,5 mm ulagich mavjud.

Yangi modelni oldindan buyurtma qilish mumkin va u 2025-yil 12-martda sotuvga chiqariladi. Korpusning mavjud ranglari: havo rang, kumush rang, “yarim tun” va “yulduzli yorug‘lik”.