O’zbekiston va Rossiya Kaspiy dengizi orqali yangi logistika yo’nalishlarini ochmoqchi

Shuningdek, tomonlar temir yo'l infratuzilmasini qurish to'g'risida memorandumni imzoladilar

Фото: Министерство транспорта

O’zbekiston va Rossiya Kaspiy dengizi orqali yangi logistika yo’nalishlarini ochmoqchi. Bu haqda transport vazirligi matbuot xizmati xabar berdi.

Transport vaziri Ilhom Maxkamov va Rossiya federatsiyasi transport vaziri Roman Starovoytning ikki tomonlama uchrashuvi bo’lib o’tdi.

Tomonlar temir yo’l infratuzilmasi loyihalarini amalga oshirish, shuningdek, Kaspiy dengizi orqali yangi yo’nalishlardan foydalanish masalalarini muhokama qildilar.

Uchrashuv yakunida tomonlar temir yo’l infratuzilmasini qurish masalalari bo’yicha hamkorlikni tashkil etish to’g’risida o’zaro anglashuv memorandumini imzoladilar.