O’zbekiston viloyat markazlari mingdan ortiq yangi avtobus oladi

Nukus va O’zbekistonning boshqa viloyat markazlari 1 mingdan ortiq yangi avtobus oladi. Bu haqda Vazirlar Mahkamasining qaroridan ma’lum bo’ldi.

Hujjatga ko’ra, Xitoy taraqqiyot banki siqilgan tabiiy gazda ishlaydigan katta sig’imli avtobuslarni sotib olish uchun $120 mln ajratadi.

Bundan tashqari, «Toshshahartransxizmat» harakatlanuvchi tarkibini modernizatsiya qilish uchun $60 mln jalb qilinadi. 200 ta elektr avtobus va zarur zaryadlash uskunalarini sotib olish rejalashtirilgan. Shuningdek, Samarqand viloyati Yevropa tiklanish va taraqqiyot banki tomonidan $49 mln miqdorida ajratilgan mablag’lar hisobidan 100 ta elektr avtobus oladi.