Yakkasaroy tumanida biznes markazlar, zamonaviy mehmonxonalar va mehmonxona majmuasi quriladi

Yakkasaroy tumani hokimi Nilufar Allabergenova “Griffin Development” vakillari va boshqa xorijiy investorlar bilan tuman iqtisodiyotini rivojlantirish istiqbollari hamda investitsiya muhitini muhokama qilish maqsadida uchrashuv o‘tkazdi. 

Muzokaralarda Glinka ko‘chasidagi 37-, 39- va 41-uylar hududida qurilish loyihasi ko‘rib chiqildi. Ushbu joyda 16 qavatli uchta biznes markazi, zamonaviy mehmonxona, maishiy xizmat ko‘rsatish majmuasi va rivojlangan infratuzilmaga ega turar-joy binolari barpo etilishi rejalashtirilmoqda. Investitsiyalarning umumiy hajmi $70 mlnni, qurilish maydoni esa 0,63 gektarni tashkil etadi.

Mazkur loyihaning amalga oshirilishi tuman me’moriy qiyofasini yangilash va yangi ish o‘rinlarini yaratish imkonini beradi. Uchrashuv yakunida tomonlar hamkorlik qilish, ishlarni sifatli bajarish va qurilish muddatlariga qat’iy rioya etish bo‘yicha kelishib olindi.