O’zbekistonning yalpi ichki mahsuloti 5 yil ichida $160 mlrdga etadi

So'nggi yillarda mamlakat iqtisodiyoti ikki baravar ko'paydi va qashshoqlik 23% dan 11% gacha kamaydi

O’zbekistonda kelgusi besh yil ichida YaIM’ni $160 mlrdga oshirish rejalashtirilgan. Bu haqda prezident matbuot xizmati xabar bermoqda.

So’nggi paytlarda YAIM ikki baravar o’sdi va birinchi marta $100 mlrddan oshdi.

Prezidentning ta’kidlashicha, asosiy vazifa mamlakatni aholi daromadlari o’rtacha darajadan yuqori darajaga ko’tarishdir. To’rt yil ichida mamlakatda qashshoqlik darajasi 23% dan 11% gacha qisqartirildi. Bu yil uni 9%ga, 2030 yilga kelib esa ikki baravar kamaytirish rejalashtirilgan.

Prezidentning so’zlariga ko’ra, islohotlar tadbirkorlikni faol qo’llab-quvvatlash, barcha sohalardagi odamlar uchun yangi ish o’rinlari va daromad manbalarini yaratishga asoslangan. Shu bilan birga, qashshoqlikni kamaytirish bo’yicha keng qamrovli dastur amalga oshirilmoqda, jumladan, sifatli ta’lim va tibbiy xizmatlardan foydalanish imkoniyatlarini yaxshilash, uy-joy sharoitlarini yaxshilash, ijtimoiy himoyani kuchaytirish va borish qiyin bo’lgan hududlarda infratuzilmani rivojlantirish.

Shuningdek, kelgusi uch to’rt yil ichida maktabgacha ta’lim qamrovini 80%ga oshirish rejalashtirilgan. Buning uchun xususiy sektor bilan hamkorlikda 240 ming o’rinli bolalar bog’chalari quriladi. Kelgusi yildan boshlab davlat-xususiy sheriklik doirasida har yili mamlakat shahar va qishloqlarida zamonaviy standartlarga javob beradigan 100 ta yangi maktab ochilishi rejalashtirilgan. Kelgusi yillarda buning uchun $2 mlrd ajratiladi.

Prezident ta’lim sohasidagi loyihalarni xalqaro moliya tashkilotlari bilan hamkorlik qilish uchun yangi yo’nalishga aylantirishni taklif qildi.