Ikkita parrandachilik kompleksini ishga tushirish uchun Xo’jayliga $10 mln sarmoya kiritiladi

Xo’jayli shahridagi Samonko’l va Bag’man mahallalarida tadbirkorlar ikkita parrandachilik majmuasini ishga tushirish uchun $10 mln sarmoya kiritmoqda. Bu haqda prezident matbuot xizmati xabar bermoqda.

To’rtko’ldagi Ullibog’ mahallasida oltita tadbirkor qurilish materiallari ishlab chiqarishni yo’lga qo’ydi. Agar ularga magistral temir yo’lga ulanish uchun 100 metr tarmoqni mustaqil ravishda yotqizish imkoniyati berilsa, bu mahsulot hajmini 50 mlrd so’mga oshirish va tovarlarni $2 mlnga eksport qilish imkonini beradi. 

Beruniy, To’rtko’l, Xo’jayli va Amudaryo tumanlari orqali o’tadigan “G’uzor — Buxoro — Nukus — Beynov” yo’li bo’ylab 140 gektar yerda 300 ta savdo va xizmat ko’rsatish obyektlari joylashtirilishi rejalashtirilgan. 

Ellikqal’a tumanida 19 mahallada bozorlar yo’q. Agar ushbu mahallalar yaqinida 10 gektar yer ajratilsa, tadbirkorlardan biri zamonaviy bozor qurilishiga $5 mln sarmoya kiritishga tayyor.