Xitoylik investorlar Farg’onada savdo va maishiy xizmat ko’rsatish shaxobchalari va mehmonxonalar qurishni rejalashtirishmoqda

Farg‘ona viloyati hokimi Xitoylik investorlar va ularning viloyatdagi hamkorlari bilan xitoyliklar tomonidan tashkil etilishi rejalashtirilayotgan mehmonxona, ko‘p qavatli turar joy kompleksi, savdo va maishiy xizmat ko‘rsatish shaxobchalari loyihasi muhokamasi bo’lib o’tdi.

Viloyatda bugungi kunda Xitoy investitsiyasi bilan tashkil etilgan 200 ga yaqin korxona faoliyat olib borayotgani qayd etildi.  Shuningdek, xitoylik investorlar amalga oshirgan yirik loyihalar ham taqdim etildi.

Mehmonxona, ko‘p qavatli turar joy kompleksi, savdo va maishiy xizmat ko‘rsatish shaxobchalari loyihasini tayyorlash ishlari to‘liq yakungach, amalga oshirishning navbatdagi bosqichiga o‘tish borasida kelishib olindi.

Bundan oldin, Xitoylik investorlar Farg’onada qiymati $30 mlnlik qishloq xo’jaligi texnikasi ishlab chiqarishni yo’lga qo’ymoqchi ekanligi haqda xabar berilgandi.