O‘zbekiston Xitoyga tabiiy gaz eksportini 85% ga oshirdi

2025-yilning yanvar-aprel oylarida O‘zbekiston xorijga sotib olganidan ko‘ra ko‘proq tabiiy gaz sotdi. Bu haqda Milliy statistika qo‘mitasi xabar bermoqda.

Turkmaniston va Rossiyadan gaz importi to‘rt oy ichida deyarli uch baravar kamayib, $150,5 mlnni tashkil etdi. Yanvar oyida mamlakatga $27,8 mlnlik, fevralda $8 mlnlik, mart oyida $2,7 mlnlik gaz kirib keldi. Aprel oyida esa xaridlar hajmi keskin oshib, $112 mln ni tashkil etdi, bu o‘tgan oyga nisbatan 41,5 barobar ko‘pdir.

Buning fonida Xitoyga O‘zbekiston gazini yetkazib berish sezilarli darajada — deyarli 85% ga oshib, yil boshidan buyon $199,7 mlnga yetdi. Yanvar oyida eksport $21,8 mlnni, fevral oyida $20,2 mlnni, mart oyida $52,3 mlnni, aprel oyida esa $105,4 mlnni tashkil etdi.

Shu bilan birga, Xitoy bojxona statistikasi boshqacha: ularning ma’lumotlariga ko‘ra, yanvar-aprel oylarida O‘zbekistondan gaz sotib olish hajmi $143 mlnni tashkil etgan, bu o‘tgan yilning shu davriga nisbatan ikki baravar ko‘pdir. Shuningdek, aprel oyida yetkazib berishning keskin o‘sishi qayd etildi — mart oyidagi $21,39 mlndan $72,24 mlngacha (2024-yil aprel oyiga nisbatan 6,3 barobar ko‘p).

Xitoyga eng yirik tabiiy gaz yetkazib beruvchi $3,32 mlrdlik Rossiya bo‘lib qolmoqda. Ikkinchi o‘rinda Turkmaniston ($2,78 mlrd), uchinchi o‘rinda Myanma ($537,3 mln) joylashgan. Keyingi o‘rinlarda Qozog‘iston ($261,1 mln), AQSH va Italiya.