Uzum Bank Litva kompaniyasi bilan bankomatlar yetkazib berish bo‘yicha $20 mlnlik shartnoma imzoladi

Hozirgi kunda Toshkent shahrida dastlabki bankomatlar sinovdan o‘tkazilmoqda

Фото: Uzum

Uzum Bank Litvaning «Penkių kontinentų bankinės technologijos» kompaniyasi bilan bankomatlar va ularning ehtiyot qismlarini yetkazib berish bo‘yicha kelishuv imzoladi. Shartnoma 4-aprelda tuzildi va uning qiymati $325,32 mlrd so‘mni (taxminan $21,18 mln) tashkil etdi. Bu bank sof aktivlarining 47% iga teng bo‘lib, aktivlar 691,26 mlrd so‘m deb baholanmoqda.

Uzum Bank matbuot xizmati xabar berishicha, bank fintech xizmatlari sifatini oshirish maqsadida zamonaviy texnologik infratuzilma yaratish orqali moliyachilar bilan hamkorlikni rivojlantirmoqda. Asosiy maqsad moliyani boshqarish jarayonini, xaridlar uchun to‘lovlarni, pul o‘tkazmalarini va naqd pul yechib olishni soddalashtirish hisoblanadi.

«Hozirgi vaqtda Toshkentdagi dastlabki bankomatlarni sinovdan o‘tkazmoqdamiz,» – deya ta’kidladi Uzum Bank vakili, biroq tarmoqni kengaytirish bo‘yicha keyingi rejalar haqida batafsil ma’lumot bermagan.