Oktyabr oyida oltita viloyatda uy-joylar bo’yicha bitimlar hajmi kamaygan

Oktyabr oyida ko’chmas mulk bozorida sotuvlar 21,4 ming bitimni tashkil etib, sentyabr darajasidan 0,6%ga o’sdi. Bu haqda Iqtisodiy tadqiqotlar va islohotlar markazi xabar berdi.

Shu bilan birga, ko’chmas mulk sohasida faollikning yillik ko’rsatkichi 2%ga yuqoriladi.

Toshkent viloyatida uy-joy bo’yicha bitimlar sezilarli darajada oshgan(10%), shuningdek, Qoraqalpog‘iston (8,1%) va Jizzax viloyatida (7,5%) ijobiy o‘zgarishlarni ko‘rsatmoqda.

Oltita viloyatda faollik pasaymoqda, eng katta ko’rsatkich Xorazm, Surxondaryo va Namangan viloyatlarida kuzatilmoqda.

Ikkilamchi uy-joy narxlari 0,1% ga o’sdi. Oy davomida ikkilamchi sotishning eng katta o‘sishi Andijonda – 5,1% va Sirdaryo viloyatlarida – 3,3%ga qayd etildi.

Yettita viloyatda ikkilamchi uy-joy narxi pasaygan bo‘lsa, eng ko‘p pasayish Namanganda – 3,4%, Xorazmda – 3,2% va Samarqand viloyatlarida – 2,5%ga kuzatildi.

Eng arzon ikkinchi darajali uy-joy Qoraqalpog‘iston Respublikasiga to’g’ri kelmoqda, bu yerda bir kvadrat metrning o‘rtacha narxi $32ni tashkil etadi.

Ikkilamchi uy-joylarning eng yuqori narxi Toshkentda qayd etilgan bo‘lib, u yerda o‘rtacha narx bir kvadrat metr uchun $1100ga baholangan.

Toshkentdagi ijara uy-joy bozoridagi vaziyatning barqarorlashuvi oktyabr oyida ham davom etdi. Kvadrat metr uchun o‘rtacha ijara narxi $8,3 tashkil etdi.

Umuman olganda, Toshkent shahrida bir yil davomida uy-joy ijarasi 12%dan ko‘proqqa kamaydi. Eng katta pasayish Yashnobod tumanida – 18%ga, Sergeli tumanida – 17%ga va Mirzo Ulug‘bek tumanida – 15,2%ga qayd etildi.