Ulug’bek Tavakkalov «Madad Invest Bank» boshqaruvining yangi raisi etib tayinlandi

U ilgari «Tenge bank»da rais o'rinbosari lavozimida ishlagan

Фото: Абдумавлон Мадмусаев / Kapital.uz

Ulug’bek Tavakkalov «Madad Invest Bank» boshqaruvining yangi raisi etib tayinlandi.

«Madad Invest Bank» aksiyadorlari yig’ilishida Ulug’bek Tavakkalovni boshqaruv raisi etib tayinlash to’g’risida qaror qabul qilindi. Yangi strategiyaning bir qismi sifatida bankning asosiy yo’nalishi raqamli xizmatlar orqali kichik va o’rta biznesni qo’llab-quvvatlashga qaratilgan.

«Madad Invest Bank» O’zbekistondagi kichik bankdir. 2024 yil 1-mart holatiga ko’ra, u 286 mlrd so’mlik kredit portfeli bilan aktivlar hajmi bo’yicha 32-o’rinni egallagan.

Ulug’bek Tavakkalov ilgari Qozog’istonning «Halyk Bank» filiali «Tenge bank»da rais o’rinbosari bo’lib ishlagan. Undan oldin esa u «O’zsanoatqurilishbank» davlat bankida 18 yil turli lavozimlarda ishlagan. 2020 yilda SQB’da rais o’rinbosari sifatida Tavakkalov «Joyda» marketpleysni ishga tushirdi.