Qozog‘iston senatori O‘zbekistonga yangi yo‘l qurishni taklif qildi

Qozog‘istonlik senator Naurizbay Baykadamov Qozog‘iston va O‘zbekiston o‘rtasida yangi yo‘l qurishni taklif qildi. Bu haqda Zakon.kz xabar bermoqda

Uning so‘zlariga ko‘ra, Qizilo‘rda viloyati va O‘zbekistonning qo‘shni viloyati o‘rtasida to‘g‘ridan-to‘g‘ri avtomobil aloqasining yo‘qligi savdo, turizm va madaniy aloqalarni rivojlantirishga to‘sqinlik qilmoqda.

O‘zining deputatlik so‘rovnomasida u yangi yo‘lning mintaqalar o‘rtasidagi masofani 1330 km dan 330 km gacha qisqartirishini va Astanaga, Qozog‘istonning shimoliy va sharqiy mintaqalariga, shuningdek, qo‘shni davlatlarga chiqishni ta’minlashini ta’kidladi.

Yo‘l loyihasi Qozog‘iston obyektlarini YUNESKOning “Ipak yo‘li: Farg‘ona – Sirdaryo yo‘lagi” transmilliy yo‘nalishiga kiritish ehtimoli bilan ham bog‘liq. Senatorning so‘zlariga ko‘ra, bu transport aloqalarini kuchaytiradi va turizmni rivojlantirishga yangi turtki beradi.

U O‘zbekiston muqobil yo‘nalishlarni tanlamaguncha Uchquduq – Qizilo‘rda trassasi loyihasini amalga oshirishni tezlashtirishni taklif qildi. Qurilishning taxminiy qiymati $125,3 mlrd tengeni ($251,6 mln) tashkil etadi.