Fevral oyidan boshlab Turkiya shartli kirish tartibini bekor qiladi

2025-yil fevral oyidan boshlab Turkiya shartli kirish tartibini bekor qiladi. Bu haqda O‘zbekistonning Istanbul shahridagi Bosh konsulxonasi xabar bermoqda.

Endilikda mamlakatni o‘z vaqtida tark etishga ulgurmagan yoki yashash guvohnomasi rad etilgan chet el fuqarolari Turkiyaga darhol qaytib kela olmaydi. Yangi qoidalarning kiritilishi, shuningdek, mamlakatga kirishni taqiqlash fuqarolikka qarab 3 oydan 6 oygacha bo‘lishi mumkinligini nazarda tutadi.

Norasmiy manbalarga ko‘ra, 2025-yil fevral oyi boshidan buyon 150 dan ortiq chet el fuqarolari migratsiya qonunchiligidagi yangi o‘zgarishlardan bexabar holda aeroportlarda qiyinchiliklarga duch kelgan.

Turkiya konsulliklari mamlakatga sayohat qilishni rejalashtirayotgan fuqarolarni yangi migratsiya qoidalari bilan diqqat bilan tanishib chiqishga va mamlakatga kirishda muammolarga duch kelmaslik uchun barcha hujjatlar joyida ekanligiga ishonch hosil qilishga chaqiradi.