Turkiyada yashash guvohnomasi bilan istiqomat qilayotgan o‘zbekistonliklar soni ma’lum bo‘ldi

Turkiya Ichki ishlar vazirligi ma’lumotiga ko‘ra, mart oyi o‘rtalariga kelib Turkiyada yashash uchun ruxsatnoma (YUR) olgan O‘zbekiston fuqarolarining soni 58,4 mingga yetgan.

Umuman olganda, mamlakatda YUR bilan yashovchi chet el fuqarolarining soni 1,7 mlndan oshgan. Ular orasida eng mashhur shahar Antaliya ekanligi e’tirof etilgan.

Eng ko‘p YUR olganlar Turkmaniston (deyarli 122 ming), Ozarbayjon (85,3 ming) va Rossiya (81,4 ming) fuqarolari bo‘lgan. Keyingi o‘rinlarda Eron (76,4 ming), Suriya (73 ming) va Iroq (67,4 ming) turadi. O‘zbekiston ushbu ro‘yxatda yettinchi o‘rinni egallagan.