Turk brendi «Layki» O’zbekistonda poyabzal ishlab chiqarishni yo’lga qo’yishni rejalashtirmoqda

Turkiyaning «Layki» brendi O’zbekiston korxonalari bilan hamkorlikda o’z brendi ostida poyabzal mahsulotlari ishlab chiqarishni rejalashtirmoqda. Bu haqda «O’zcharmsanoat» xabar bermoqda.

O’zbekiston «O’zcharmsanoat» uyushmasi va korxonalar Turkiyagada poyabzal va charm mahsulotlari ishlab chiqarishga ixtisoslashgan turk kompaniyalari va universitetlari rahbariyati bilan uchrashdi. Uchrashuvning asosiy natijalaridan biri turk kompaniyasi ishtirokida O’zbekistonda poyabzal uchun taglik va elim ishlab chiqarishning rejalashtirilgan boshlanishi bo’ldi.

Shuningdek, mazkur sohadagi o’zbek korxonalari uchun kadrlar tayyorlash va xorijiy bozorlarni monitoring qilish bo’yicha treninglar tashkil etish masalalari muhokama qilindi. Uchrashuvdan so’ng «Layki» kompaniyasi rahbariyati mart oyida o’zbekistonlik hamkorlar bilan shartnoma imzolanishi rejalashtirilganini e’lon qildi. Shuningdek, «O’zcharmsanoat» uyushmasi va ESPD o’rtasida hamkorlik memorandumi imzolandi.

Poyafzal tagliklarini ishlab chiqarishga ixtisoslashgan Turkiyaning «El Talaban» kompaniyasi O’zbekistonning «San+One» korxonasi bilan qo’shma loyihaga qiziqish bildirdi. Loyihani amalga oshirish shartlari yig’ilishda muhokama qilindi. Turkiya kompaniyasi rahbari o’zbek korxonalari bilan uzoq muddatli hamkorlik ularga Markaziy Osiyo va Rossiya bozoriga muvaffaqiyatli kirish imkonini berishini ta’kidladi.

Evropa Ittifoqi va BMT’ning grant dasturlarini boshqarish va yangi tashabbuslarni ishlab chiqishni o’z ichiga olgan charm va poyabzal sanoati loyihalarini amalga oshirishda tajribaga ega ESPD ushbu tashabbusda sherik sifatida ishtirok etdi.