“Trest-12” qurilish kompaniyasining davlat ulushi 111 mlrd so‘mga sotildi

Davlat aktivlarini boshqarish agentligi “Trest-12” kompaniyasi ustav kapitalidagi 51,12% davlat ulushini xususiylashtirish bo‘yicha o‘tkazilgan auksion g‘olibini e’lon qildi.

Xususiylashtirish doirasida “Deloitte” xalqaro kompaniyasi keng ko‘lamli marketing kampaniyasini o‘tkazdi, jumladan, potensial investorlarga investitsiya takliflarini yubordi. Natijada 4 nafar mahalliy va xalqaro investorlar xaridga qiziqish bildirgan.

Belgilangan muddatda maslahatchi ikkita majburiy taklif oldi. Savdoda eng yuqori narx — 111 mlrd so‘m taklif qilgan “Delta Global Dynamics” kompaniyasi g‘olib bo‘ldi. Ushbu summa maslahatchi tomonidan hisoblangan indikativ narx diapazonining yuqori chegarasiga va korxonaning baholangan qiymatiga to‘g‘ri keladi.

Bundan tashqari, sotib oluvchi ikki yil davomida mavjud ish o‘rinlarini saqlab qolish (tabiiy yo‘qotishdan tashqari), ish haqi fondini kamaytirmaslik va jamoa shartnomasi shartlariga rioya qilish majburiyatini oldi.

“Trest-12” qurilish kompaniyasi bo‘lib, biznes va xususiy mijozlar uchun barcha ishlarni bajaradi. “12-qurilish tresti” 1979-yilda “Glavtashkentstroy” tizimida umumqurilish va pardozlash ishlariga ixtisoslashgan davlat korxonasi sifatida tashkil etilgan. 1993-yilda u “Trest-12” aksiyadorlik jamiyatiga aylantirildi, uning ta’sischilari O‘zbekiston Davlat mulki qo‘mitasi va mehnat jamoasi bo‘ldi. 2004-yilda 25% miqdoridagi davlat ulushi tanlov savdolarida sotib olindi.

“Avtokomponent” ulushini sotish

“Avtokomponent”ning 98,8% ulushini sotish bo‘yicha ochiq savdolar yakunlandi. Portfolio Investment kompaniyasi bitim bo‘yicha maslahatchi sifatida ishtirok etdi.

Belgilangan muddatda ikkita majburiy taklif kelib tushdi. Auksionda O‘zbekiston-Koreyaning “Uz-Dong Won Ko” kompaniyasi 105 mlrd so‘m taklif qilib, g‘olib bo‘ldi. Bu summa indikativ baholashning yuqori oralig‘ida bo‘lib, korxonaning hisoblangan qiymatidan yuqori bo‘ladi.

Xaridor:

• korxona faoliyatining asosiy yo‘nalishini kamida 10 yil saqlab qolish;
• “General Motors” (AQSH) tomonidan tasdiqlangan yetkazib beruvchi bilan texnik qo‘llab-quvvatlash bo‘yicha litsenziya bitimlari shartlariga rioya qilish;
• “General Motors” texnologik uskunalaridan foydalanish bo‘yicha Bosh alyans kelishuvi talablarini bajarish.

“Uz-Dong Won Ko” kompaniyasi 1996 yilda O‘zbekiston-Koreya hamkorligi doirasida tashkil etilgan va O‘zbekistonda ro‘yxatdan o‘tgan. Asosiy faoliyat yo‘nalishi – avtomobillar uchun butlovchi qismlar va aksessuarlar ishlab chiqarish.