Evropa Ittifoqi Markaziy Osiyoda transportni yaxshilashga 10 mlrd evro sarmoya kiritishni rejalashtirmoqda

Yevropa komissiyasi Trans-Kaspiy transport yo'lagini qo'llab-quvvatlash uchun dastur tayyorlamoqda

Фото: Sputnik

Evropa Ittifoqi Markaziy Osiyoda barqaror transport aloqalarini rivojlantirishga 10 mlrd evro sarmoya kiritishga tayyorligini bildirdi. Bu haqda «Interfaks» Evropa Ittifoqining Tojikistondagi vakolatxonasiga tayanib xabar berdi.

Evropa Ittifoqi xalqaro sheriklarning umumiy hissasi sifatida Markaziy Osiyoga barqaror transport aloqalariga 10 mlrd evro sarmoya kiritish niyatini ma’lum qildi, — deyiladi xabarda.

Evropa komissiyasi «Global Gateway» strategiyasining bir qismi sifatida Trans-Kaspiy transport koridorini qo’llab-quvvatlash uchun mintaqaviy transport dasturini ishlab chiqmoqda.

2024-yil yanvar oyida Yevropa va Markaziy Osiyo o’rtasidagi barqaror transport aloqalari bo’yicha investorlar forumida Markaziy Osiyoning beshta davlati transport yo’laklarini mustahkamlashga siyosiy tayyorligini bildirdi, bu esa mintaqaviy aloqalarni kengaytirish va mustahkamlashga yordam beradi.