Fransiya kompaniyalari Toshkentda tramvay tizimini joriy qiladi

Toshkent shahar hokimi o‘rinbosari Sharof Rahmonov va Fransiyaning tashqi savdo va xorijdagi fuqarolar ishlari bo‘yicha vazir-delegati Loran Sen-Marten O‘zbekiston poytaxtida tramvay tizimini joriy etish bo‘yicha yo‘l xaritasini imzoladi.

Kuni kecha Fransiya Tashqi ishlar vazirligida idoralararo va vazirliklararo hujjatlarni rasmiylashtirish marosimi doirasida yo‘l xaritasini imzolash marosimi bo‘lib o‘tdi.

Eslatib o‘tamiz, Fransiya kompaniyalari O‘zbekiston prezidentining 2022-yil noyabr oyida Parijga tashrifi chog‘ida erishilgan kelishuvlar doirasida Toshkent uchun tramvay tizimini loyihalashtirishni o‘z zimmasiga olgan edi.