2025-yilda Toshkent metropoliteniga 26 ta poyezd olib kelinadi

So‘nggi 7 yil ichida Toshkent metropolitenida bekatlar soni 29 tadan 50 taga, liniyalarning umumiy uzunligi esa 38 kilometrdan 71 kilometrgacha oshdi. Bu haqda transport vazirligi xabar berdi. 

Shuningdek, 2017-yildan 2019-yilgacha 36 ta poyezd ekspluatatsiya qilindi. 2024-yilga kelib esa ularning soni 65 taga yetkazildi. 

Kelgusi yil yakunigacha yana 26 ta zamonaviy tarkib xarid qilinishi rejalashtirilgan. Natijada, poyezdlar qatnov oraliq vaqtlarini sezilarli darajada qisqartiradi va yo‘lovchilar uchun sharoitlarni yanada qulaylashtirishi mumkin.

Bundan oldin, Xitoydan Urganchga 30 dona avtobuslar olib kelingani haqida xabar qilingandi.