Toshkentdagi uch bozorning ayrim bloklari vaqtincha yopildi

8-aprel kuni Toshkent shahar Favqulodda vaziyatlar bosh boshqarmasi xodimlari tomonidan poytaxtdagi uchta bozorda rejali tekshiruvlar o‘tkazildi. Jumladan, Yashnobod tumanidagi “Aviasozlar” dehqon bozori, Shayxontohur tumanidagi dehqon bozori hamda Chilonzor tumanidagi buyum bozori ko‘zdan kechirildi.

Tekshiruvlar davomida mazkur bozorlarning ayrim hududlarida yong‘in xavfsizligi qoidalarining qo‘pol ravishda buzilganligi aniqlandi.

Shu munosabat bilan, aniqlangan kamchiliklar bartaraf etilgunga qadar bozorlarning ayrim blok

lari tegishli hujjatlar asosida vaqtinchalik yopildi.

Mas’ul idoralar tomonidan xavfsizlik talablariga qat’iy rioya etish zarurligi yana bir bor ta’kidlandi.

Eslatib o’tamiz, 5-aprel kuni soat 15:56 da Chilonzor tumani, Toshkent katta halqa avtomobil yo‘li ko‘chasida joylashgan “Beshqo‘rg‘on” bozorida yong’in yuzaga kelgandi.

Yong‘in oqibatida tan-jarohati olganlar to‘g‘risida xabar kelib tushmadi, — deyiladi Toshkent shahar Favqulodda vaziyatlar bosh boshqarmasi xabarida.