ILMA “Toshkent Investitsiya Majmui” MCHJning litsenziyasini vaqtincha to‘xtatdi

10 kun ichida MChJ qonunbuzarliklarini bartaraf etishi lozim

Фото: Коммерсантъ

O‘zbekiston Istiqbolli loyihalar milliy agentligi “Toshkent Investitsiya Majmui” MChJning qimmatli qog’ozlar bozorida faoliyatini 10 kun muddatga chekladi.

Agentlik xabariga ko’ra, litsenziya to’xtatilishi kompaniyaning qimmatli qog‘ozlar bozoridagi qonunbuzarliklari bilan bog’liq. Kompaniya shu yilning 2-dekabridan 11-dekabriga qadar “Yagona dasturiy-texnik kompleksi” orqali ko‘rsatiladigan xizmatlari va qimmatli qog‘ozlar bozoridagi qonunbuzarliklarini bartaraf etishi kerak.

Yil boshida “O‘zbekiston Respublika valyuta birjasi” AJ “Toshkent Investitsiya Majmui” MCHJni birja a’zoligiga qabul qilgan edi. Bu a’zolik kompaniyaga birja savdolarida qatnashish va davlat qimmatli qog‘ozlari bozorida operatsiyalarni amalga oshirish imkonini bergan.