O’zbekiston va Vengriya o’rtasida to’g’ridan-to’g’ri reyslar yo’lga qo’yiladi

19 mart kuni O’zbekiston Prezidenti Shavkat Mirziyoyev O’zbekiston va Vengriya hukumatlari o’rtasida havo qatnovi to’g’risidagi shartnomani tasdiqladi. Bu haqda Lex.uz’da nashr etilgan hujjatdan ma’lum bo’ldi.

O’zbekiston va Vengriya poytaxtlari o’rtasida to’g’ridan-to’g’ri aviareyslar tashkil etiladi. O’zbekiston transport vazirligi shartnomani bajarish uchun javobgardir va ushbu jarayon ustidan nazoratni bosh vazir Abdulla Aripov tegishli vazirlik va idoralar ishtirokida amalga oshiradi.

Eslatib o’tamiz, o’zbek aviatashuvchisi «Qanot Sharq» 2023 yil avgust oyidan boshlab Toshkentdan Budapeshtga haftasiga bir marta muntazam reyslarni amalga oshira boshlagan edi.