Telegram $330 mlnlik obligatsiyalar chiqardi

2024 yil mart oyida Telegram $330 mlnlik obligatsiyalarni chiqardi. Bu haqda messenjer asoschisi Pavel Durov ma’lum qildi.

Tadbirkor nashr haqida tafsilotlarni oshkor qilmadi. U faqat talab taklifdan oshib ketganini va bitim ishtirokchilari «benuqson obro’ga ega bo’lgan eng yuqori darajadagi jahon fondlari» ekanligini ta’kidladi.

Bizning obligatsiyalarimizga bo’lgan talabning ortishi global moliya institutlari Telegram auditoriyasi va monetizatsiyasining o’sishini qadrlashini ko’rsatadi, — dedi Durov va joylashtirish shartlari «kompaniya tarixidagi Telegram uchun eng foydali» ekanligini qo’shimcha qildi.

Durov avvalroq «Financial Times» gazetasiga potentsial investorlar, jumladan, global texnologiya fondlari Telegram’ni $30 mlrddan ko’proq baholaganini aytgan edi.

Eslatib o’tamiz, 2021 yil mart oyida Telegram birinchi marta obligatsiyalarni joylashtirdi va investorlardan $1 mlrd yig’di. Bitimda BAA «Mubadala Investment Company» va «Abu Dhabi Catalyst Partners» fondlari, shuningdek, Rossiya xususiy sarmoya fondi ishtirok etdi.