“Telegram” asoschisi Pavel Durovni Fransiyada hibsga olishdi

Pavel Durov Parijdagi “Le-Burje” aeroportida hibsga olingan, u yerga 24 avgust kuni Ozarbayjondan xususiy samolyotda qo’riqchi hamrohligida uchib kelgan. Bu haqda frantsuz telekanallari TF1 va BFMTV manbalariga tayanib xabar berishdi.

TF1 ma’lumotlariga ko’ra, “Telegram” asoschisi “Telegram”da moderatsiya yo’qligi va messenjerning rasmiylar bilan yetarlicha hamkorlik qilmagani uchun giyohvand moddalar savdosi, bolalarga qarshi jinoyatlar va firibgarlikda ishtirok etganlikda ayblanmoqda.

Shuningdek, Durovga noqonuniy olingan pulni qonuniy pulga aylantirish va terrorizmga ko’maklashishda ham ayblanishi mumkin. Telegram asoschisi 20 yilgacha qamoq jazosiga hukm qilinishi mumkin. Yaqinda u Frantsiya fuqarosi sifatida sudga tortiladi.

Durovni qidiruvga voyaga yetmaganlarning jinoyatiga qarshi kurash boshqarmasi bergan. Ammo hozircha Frantsiya hukumati va “Telegram” ma’muriyatining o’zi hech qanday bayonot bermadi.