O‘zbekistonga 9 oyda 3,2 mln dona telefon import qilindi

O‘zbekiston Respublikasi Milliy statistika qo‘mitasi ma’lumotlariga ko‘ra, 2025-yilning yanvar–sentyabr oylarida mamlakatga 3,2 mln dona mobil telefon import qilingan. Ularning umumiy qiymati $370,8 mlnni tashkil etadi.

Statistikaga ko‘ra, bu ko‘rsatkich o‘tgan yilning mos davriga nisbatan 219,9 ming donaga yoki 7,4% ga oshgan.

Eng ko‘p telefon Xitoydan olib kelingan — 2,48 mln dona. Shuningdek, Vetnamdan 619,2 mingt, Birlashgan Arab Amirliklaridan 65,3 mingta, Hindistondan 31,8 mingta, Koreyadan esa 4,8 mingta telefon import qilingan. Boshqa davlatlardan jami 2,2 ming telefon olib kirilgan.