Yarim yilda O‘zbekistonning asosiy kapitaliga 270 trln so‘mdan ortiq investitsiya kiritildi

Xitoy mamlakatga kiritilgan barcha xorijiy investitsiyalarning uchdan biridan ko‘prog‘ini ta’minladi

Фото: Абдумавлон Мадмусаев / Kapital.uz

Yanvar-iyun oylarida O‘zbekistonning asosiy kapitaliga kiritilgan investitsiyalar hajmi 273,4 trln so‘mni tashkil etdi. Bu haqda Milliy statistika qo‘mitasi ma’lum qildi.

Shundan 71,5%i xorijiy investitsiya va kreditlar ulushiga to‘g‘ri keldi.

O‘zlashtirilgan xorijiy investitsiyalarda eng katta ulushni Xitoy — 36,2% va Rossiya — 8,4% egalladi. Uchinchi o‘rinda Turkiya — 8,1% bilan joylashdi. Keyingi o‘rinlarda BAA — 4,1%, Germaniya — 3,7% va Saudiya Arabistoni — 3,1% bilan qayd etildi.