O’zbekistonda tadbirkorlar bilan muloqot qilish uchun ochiq platforma ishga tushiriladi

Shuningdek, Qoraqalpog'istonga yirik xorijiy investorlarni jalb qilish bo'yicha chora-tadbirlar tayyorlash topshirildi

Фото: Абдумавлон Мадмусаев / Kapital.uz

30 may kuni O’zbekiston prezidenti Shavkat Mirziyoyev tadbirkorlar bilan ochiq muloqot tashkil etish chora-tadbirlari to’g’risida farmon imzoladi. Bu haqda Adliya vazirligi matbuot xizmati xabar berdi.

Tasdiqlangan qarorga muvofiq quyidagi organlar tashkil etiladi:

Prezidentning tadbirkorlar bilan ochiq muloqotini o’tkazish bo’yicha respublika komissiyasi.
Turli sohalardagi tadbirkorlarning muammolarini o’rganish va hal qilish uchun mintaqaviy ishchi guruhlar.

Komissiyaning asosiy vazifasi tadbirkorlarning murojaatlarini qabul qilish va qayta ishlash, tizimli muammolarni aniqlash, ularni bartaraf etish bo’yicha takliflar ishlab chiqish va individual masalalarni hal etishdir.

15 iyundan boshlab har yili elektron platformalar, Call-markaz, ijtimoiy tarmoqlar va sayyor qabullar orqali murojaatlar qabul qilinadi.

Shuningdek, bu yil Qoraqalpog’istonda xalqaro biznes-forum tashkil etiladi va yil oxirigacha «Qoraqalpog’istonda biznes yuritish» dasturi doirasida xorijiy brendlarni jalb etish bo’yicha chora-tadbirlar amalga oshiriladi.