Saudiya Taraqqiyot jamg‘armasi O‘zbekistondagi ikkita loyihaga $138 mln investitsiya kiritadi

Saudiya Taraqqiyot jamg‘armasi O‘zbekistonda umumiy qiymati $138 mln bo‘lgan ikkita ustuvor loyihaga sarmoya kiritishni ko‘rib chiqmoqda. Bu haqda Investitsiyalar, sanoat va savdo vazirligi vazir Laziz Qudratov va jamg‘arma bosh direktori Sulton Al-Marshad o‘rtasidagi uchrashuvdan so‘ng xabar qildi.

Gap Qoraqalpog‘istonda arzon uy-joylar qurish, shuningdek, mamlakat avtomobil yo‘llaridagi shikastlangan ko‘priklarni rekonstruksiya qilish va ta’mirlash loyihalari haqida bormoqda. Har ikki loyiha hozirda ishlab chiqish bosqichida.

ISSVning ma’lumotlariga ko‘ra, sheriklik yillari davomida jamg‘arma O‘zbekistonda sog‘liqni saqlash, ta’lim, suv ta’minoti va irrigatsiya, uy-joy qurilishi hamda transport infratuzilmasi sohalaridagi loyihalarni moliyalashtirgan. Hozirgi vaqtda O‘zbekiston va Saudiya taraqqiyot jamg‘armasining qo‘shma loyihalar portfeli qiymati $287,4 mln bo‘lgan 11 ta loyihani o‘z ichiga oladi.

Tomonlar sheriklikni yanada chuqurlashtirish va ijtimoiy ahamiyatga molik tashabbuslarni amalga oshirishdan manfaatdor ekanliklarini tasdiqladi.