“SpaceX” O’zbekiston kosmik dasturini ishlab chiqish uchun o’z xizmatlarini taklif qildi

14-18 oktyabr kunlari Milanda bo’lib o’tgan 75 xalqaro astronavtika Kongressida “O’zbekkosmos” AQShning “SpaceX” kompaniyasi bilan hamkorlik to’g’risida kelishuvga erishdi. Bu haqda agentlik matbuot xizmati xabar bermoqda. 

Buyuk Britaniyaning “Surrey Satellite Technology” va “SpaceX” kompaniyasi O’zbekiston milliy kosmik dasturini ishlab chiqish bo’yicha ekspert maslahatlarini taklif qildi. 

Shuningdek, Kongress doirasida robot apparatlari va boshqa texnologiyalar yordamida oy tadqiqotlarini olib boradigan Yaponiyaning “Ispace” kompaniyasi bilan o’zaro anglashuv memorandumi imzolandi. Bundan tashqari, “O’zbekkosmos” aerokosmik muhandislik sohasida mutaxassislar tayyorlash dasturini Kyushu texnologik instituti bilan kelishib oldi. 

Bundan tashqari, agentlik Ozarbayjon kosmik agentligi bilan yerni masofadan zondlash milliy tizimini yaratish bo’yicha tavsiyalar va o’zaro manfaatli takliflar bo’yicha muhokamalar o’tkazdi.

Eslatib o’tamiz, O’zbekiston kosmosni o’rganish va undan foydalanish bo’yicha xalqaro bitimning ishtirokchisi bo’ldi.