2024-yilda soliqlardan davlat byudjetiga qariyb 200 trln so‘m kelib tushgan

2024-yilda soliqlarlardan O‘zbekiston davlat byudjetiga 199,6 trln so‘m kelib tushgan. Bu haqda Respublika Soliq qo‘mitasi matbuot kotibi Dildora Xoshimova ma’lum qildi. 

Bu ko‘rsatkich 2023-yilga nisbatan 20,3% ga oshgan. Soliq tushumlari Toshkent shahri (+27%), Sirdaryo (+25%) va Toshkent viloyatida (+23%) sezilarli darajada oshgan.

Xoshimovaning ta’kidlashicha, jismoniy shaxslardan olinadigan mulk va yer solig‘i tushumlari 31,4% ga oshgan.

Aylanmadan olinadigan soliq 2,8 tlrn so‘mgacha byudjetga tushirilib, o‘tgan yilga nisbatan 17,5% ga o‘sgan. Foyda solig’i 29% ga, qo‘shilgan qiymat solig’i 16,4% ga oshgan.