Yaponiyaning “ITO Corporation” Angrenda sintetik gaz bo‘yicha sinov loyihasini boshladi

Kelgusida bunday qurilmalarni O‘zbekistonning boshqa hududlarida ham joriy etish rejalashtirilgan

Фото: Пресс-служба хокимията Ташкентской области

Yaponiyaning “ITO Corporation” va “Hududgazta’minot” kompaniyalari Angren shahrining “Yangiobod” mahallasida sintetik gazdan foydalanish bo‘yicha tajriba loyihasini ishga tushirdi. Bu haqda viloyat hokimligi matbuot xizmati xabar bermoqda.

Loyihani “Hududgazta’minot” va Yaponiyaning “ITO Corporation” kompaniyasi amalga oshiradi.

Obyektda propan va havoni aralashtirib, sun’iy metan ishlab chiqaruvchi zamonaviy uskunalar o‘rnatilgan. Bugungi kunda bir nechta ko‘p qavatli uylar sintetik gaz bilan ta’minlangan.

Loyiha Yaponiya Iqtisodiyot, savdo va sanoat vazirligi ko‘magida amalga oshirilmoqda. Kelgusida bunday qurilmalarni O‘zbekistonning boshqa hududlarida ham joriy etish rejalashtirilgan.