Koreyadan O’zbekistonga Xitoy va Qozog’iston orqali o’tadigan birinchi poyezd jo’nab ketdi

26 iyun kuni Lyanyungang portidagi Qozog’iston-Xitoy logistika terminalida Koreya — Xitoy — Qozog’iston — O’zbekiston yo’nalishi bo’yicha sinov rejimida poyezd ishga tushirildi. Bu haqda Qozog’iston temir yo’li matbuot xizmati xabar bermoqda.

Avtomobil ehtiyot qismlari bilan to’ldirilgan poyezd 7 ming kilometr masofani bosib o’tib, bu davlatlar o’rtasida iqtisodiy hamkorlik uchun yangi imkoniyatlar ochdi. Qozog’iston hududida «KTZ Express» kompaniyasi yo’nalish operatori bo’lgan.

«Sinov rejimida poezdning ishga tushirilishi qo’shma multimodal transportni rivojlantirishga bo’lgan umumiy intilishimizni ko’rsatadi, bu bizning mintaqalarimizda savdo va hamkorlik uchun yangi imkoniyatlar ochadi», — dedi «KTZ Express» bosh direktorining tijorat bo’yicha o’rinbosari Ulug’bek Orazov.