“Shahrisabz” aeroporti rekontruksiya ishlari sababli vaqtincha yopiladi

2025-yil 13-mart Toshkent vaqti bilan soat 05:00 dan 2025-yil 25-mart 05:00 gacha Shahrisabz aeroporti o‘z faoliyatini vaqtincha to‘xtatadi. Tashkent Airports xabar berishicha, aerorport uchish-qo‘nish yo‘lagida kapital ta’mirlash ishlari boshlanishi munosabati bilan yopilmoqda. 

Rekonstruksiya ishlarida 1 554 m uzunlikdagi uchish-qo‘nish yo‘lagi yuzasini almashtirish va mustahkamlash rejalashtirilgan. Shuningdek, yurish yo’lagining ustki qatlami ham ta’mirlanadi. Tanlov natijalariga ko‘ra, qurilish-ta’mirlash ishlarini “Fargona yo‘llardan muntazam foydalanish korxonasi” olib boradi.

 Uchish-qo‘nish yo‘lagi ta’mirlangandan so‘ng aeroport o‘rta masofaga mo‘ljallangan zamonaviy ATR-72 samolyotlarini haftasiga uch martagacha qabul qilish imkoniyatiga ega bo‘ladi.