O’zbekiston va Rossiya sayyohlik oqimini 40%ga oshiradi

Rossiya va O’zbekiston turizm sohasidagi hamkorlikni kengaytirish to’g’risida bitim imzoladilar. Bu haqda Rossiya Prezidentining matbuot xizmati xabar bermoqda.

Rossiya iqtisodiy rivojlanish vaziri Maksim Reshetnikovning ta’kidlashicha, rejalashtirilgan tadbirlarni amalga oshirish 2027 yilga kelib o’zaro sayyohlik oqimining 40%ga oshishiga olib keladi, bu esa sayohatlar sonini yiliga 2 mln belgiga yaqinlashtiradi. Ushbu maqsadlarga erishish marketing harakatlarini birlashtirish, yangi sayyohlik yo’nalishlarini ishlab chiqish va to’lovlar muammosini hal qilish orqali amalga oshiriladi, deya qo’shimcha qildi vazir.

Yo’l xaritasi davlatlararo hamkorlikni mustahkamlash va ikki mamlakat sayyohlik biznesini rivojlantirishga qaratilgan 12 ta tadbir bloklarini o’z ichiga oladi. Ushbu tadbirlar investorlarni o’zaro jalb qilish va ikki mamlakat ta’lim muassasalari o’rtasida hamkorlikni rivojlantirishga yordam beradi.