O’zbekiston va Saudiya Arabistoni o’rtasidagi reyslar soni haftasiga 50 taga yetkaziladi

O’zbekiston va Saudiya Arabistoni muntazam reyslar sonini ko’paytirishga kelishib oldilar. Bu haqda transport vazirligi matbuot xizmati xabar berdi.

«O’zaviatsiya» agentligi direktori Toxir Nazarov boshchiligidagi O’zbekiston delegatsiyasi Saudiya Arabistoni fuqaro aviatsiyasi boshqarmasi bilan muzokaralar o’tkazdi.

Muzokaralar natijasida muntazam reyslar sonini har tomondan haftasiga 50 tagacha oshirish to’g’risida kelishuvga erishildi.

Tomonlar, shuningdek, ikki mamlakat aviatsiya ma’muriyatlari o’rtasida hamkorlik memorandumini imzoladilar.