Qozog’iston Milliy banki asosiy stavkani 15,25%ga oshirdi

Qozog‘iston Milliy banki tenge kursining keskin pasayishi va inflyatsiyaning o‘sishi fonida bazaviy stavkani bir foizga oshirib, 15,25%ga yetkazdi. Bu haqda Qozog’iston regulyator matbuot xizmati xabar berdi.

Oktyabr oyi oxirida Qozog‘istonda inflyatsiya tariflarning oshishi hamda xizmatlar va nooziq-ovqat mahsulotlari narxlarining tez o‘sishi hisobiga 8,5%gacha oshgan. Milliy bank e’tiborni byudjet daromadlari bajarilmagani va inflyatsiya kutilmalarining o’zgaruvchanligiga qaratdi.

Bundan tashqari, tengening zaiflashishi pul-kredit siyosatini kuchaytirish foydasiga bo’ldi. Milliy valyutaning dollarga nisbatan rasmiy kursi hafta davomida deyarli 3,7%ga pasaydi. 

Qozog‘iston Milliy banki Rossiyada rubl kursidagi tebranishlar va yuqori inflyatsiyani oziq-ovqat mahsulotlarining jahon narxlari o‘sishi bilan birga tashqi inflyatsiya bosimini oshirishning asosiy omillari qatorida aniqladi.

Regulyatorning prognozlariga ko‘ra, Qozog‘istonda inflyatsiya 2024-yil oxiriga kelib 8-9%gacha tezlashadi. Kelgusi yilda narxlar 6,5-8,5% gacha ko’tariladi. 2027-yildan oldin inflyatsiyaning 5%ga qisqarishi kutilmoqda.