“Toshkent” avtovokzalidan hududlarga qo‘shimcha avtobus qatnovlari tashkil etiladi

“Toshkent” avtovokzalidan kundalik 53 ta reyslarga qo‘shimcha ravishda har kuni shaharlararo yo‘nalishlarda 20 dan ortiq avtobus qatnovlari tashkil etiladi. Bu haqida O‘zbekiston Respublikasi Transport vazirligi  xabar qildi.

Unga ko’ra, bu orqali Yangi yil bayrami arafasida Toshkentdan o‘z manziliga yetib olishni rejalashtirgan yo‘lovchilarga qulaylik yaratish maqsad qilingan. 

Xususan, “Uzautotrans service” korxonasi tomonidan 20-dekabrdan 31-dekabrga qadar quyidagi yo’nalishlarda avtobus qatnovlarini yo‘lga qo‘ygan:

• Toshkent – Navoiy; 
• Toshkent – Zomin; 
• Toshkent – Jarqo‘rg‘on;
• Toshkent – Shahrisabz; 
• Toshkent – Qarshi;
• Toshkent – Qorako‘l;
• Toshkent – Termiz;
• Toshkent – Denov;
• Toshkent – G‘uzor;
• Toshkent – Uzun.

Yo‘lovchilar chiptalarni “Toshkent” avtovokzali chiptaxonalaridan hamda ATTO, “UzBus” mobil ilovasi orqali onlayn tarzda sotib olishi mumkin.