O’zbekistonda qonuniy taksi bozori hajmi 3 trln so’mga yetdi

O’zbekistonda yil boshidan 15 avgustga qadar agregatorlar orqali 166 mlndan ortiq sayohat amalga oshirildi, ular bo’yicha 3 trln so’mlik fiskal cheklar berildi, bu 1 martdagi ma’lumotlarga nisbatan to’qqiz baravar ko’p. Bu haqda soliq qo’mitasi xabar berdi.

Aprel oyida soliq organlarining axborot tizimlariga 6 ta taksi agregatori ulangan edi, endi ularning soni 142 taga yetdi. 

Ilgari noqonuniy ravishda ishlagan yarim milliondan ortiq odam (576,1 ming) endi yo’lovchi tashish sohasida o’z-o’zini ish bilan band deb ro’yxatga olingan. Ulardan 361 mingdan ortig’i agregatorlar orqali xizmat ko’rsatadi, bu mart oyidan ikki baravar ko’p. 

To’lovlarni fiskalizatsiya qilish haydovchilar daromadlarining taqsimlanishini aniq kuzatish imkonini beradi: 

• 125,6 ming kishi 1 mln so’mgacha daromad oldi;
• 104 ming — 1 mlndan 5 mlngacha;
• 45,3 ming — 5 dan 10 mlngacha;
• 78 ming — 10 dan 50 mlngacha;
• 7,6 ming — 50 dan 100 mlngacha;
• 171 haydovchining daromadi 100 mln so’mdan oshdi.

Aprel oyida “YandexGo”, “Uklon” va mahalliy “MyTaxi” agregatori soliq organlarining axborot tizimlari bilan to’liq birlashtirildi va sayohatni fiskallashtirish tizimini joriy etgan.