«Qanot Sharq» Budapesht va Toshkent o’rtasida muntazam reyslarni yo’lga qo’yadi

30-iyundan boshlab «Qanot Sharq» aviakompaniyasi «Toshkent — Budapesht — Toshkent» yo’nalishi bo’yicha to’g’ridan-to’g’ri muntazam reyslarni yo’lga qo’yadi. Bu haqda «Dunyo» xabar berdi.

Parvozlarning boshlang’ich chastotasi haftada bir marta, har yakshanba kuni bo’ladi. Biroq, 4 sentyabrdan boshlab jadvalga chorshanba kunlari amalga oshiriladigan yana bir reysni qo’shish rejalashtirilgan.

Ushbu yangi yo’nalish sayyohlar, ishbilarmonlar va talabalar uchun keng istiqbollarni ochib beradi, deya ta’kidladi O’zbekistonning Vengriyadagi elchixonasi.

«Qanot Sharq» bosh direktori Moisey Pak yangi reyslar «nafaqat transport imkoniyatlarini yaxshilaydi, balki mamlakatlarimiz o’rtasidagi madaniy va iqtisodiy aloqalarni mustahkamlaydi» degan ishonchni bildirdi.